Vintre:

• Ski-eblecoj je 300 metroj for de KCE.
• Pluraj kilometroj da promen-skiaj vojoj.

Somere:

• La lago de Neuchâtel estas agrabla celo por tuttaga ekskurso.
• Mirindaj promenadoj plezurigos vin.

En La Chaux-de-Fonds mem estas grandega ekstera naĝejo por la tuta familio kaj ĉarma bestĝardeno, internacia horloĝmuzeo kun mirindaj kolektoj, arta kaj naturscienca muzeoj.

Preskaŭ meze de Eŭropo, nia urbo estas facile atingebla. El Ĝenevo vi veturu trajne al Neuchâtel. El Zuriko aŭ Bazelo vi trajnu al Biel/Bienne. El tiuj urboj estas trajnoj ĉiuhoraj al La Chaux-de-Fonds.

Alvenante al La Chaux-de-Fonds, vi povas uzi buson por atingi KCE-n. Antaŭ la stacidomo staras la ĉefa bushaltejo. Elektu buson numero 1 ĝis haltejo ESPERANTO. Sekvu la indikilojn al KCE. Ĝi situas tute proksime al la bushaltejo.

• Esperanto-lingvokursoj paralele al la someraj aranĝoj kaj ankaŭ je diversaj semajnfinoj dum la jaro.

• Libro-servo kun 15.000 libroj, 2.000 titoloj. Niaj libroj estas aĉeteblaj surloke kaj koresponde.