Gravaj eksterlandaj gazetoj ofte ripetadas, ke Londono estas la plej bonetosa urbo de la mondo. Inter 1997 kaj 2000 oni investos ĉirkaŭ 4 miliardojn da fundoj nur en la tielnomatan amuzindustrion de Londono. La fonto de la investado devenas parte el la gajnoj de la ekde tri jaroj funkcianta nacia loterio, kies 28 procentojn oni reinvestas por noblaj, kulturaj celoj. La ŝanĝojn montras ekzemple la fakto, ke el 100 modfirmaoj 78 troveblas ankaŭ en Londono, krome du parizaj modfirmaoj elektis kiel ĉefplaniston anglon. Londono fariĝis centro ankaŭ el gastronomia vidpunkto, en la urbo sin reprezentas la kuirarto de 100 landoj, la gvidlibro Michelin proponas jam preskaŭ pli multajn londonajn ol parizajn restoraciojn al la frandemuloj.
La lokaj gazetoj tamen estas skeptikaj. Evening Standard avertas, ke la modiĝon sekvas "terura postebria" elreviĝo. Ili listigas senindulge la malagrablaĵojn: trafikan kaoson, la nefideblecon de la metrosistemo, la troan amason en la muzeoj, kies solvo estus pli grava ol pli da investo en turismon.